今天終於平手走左隻aud，明天可以落銀行單了，我要將帳戶於安全水平以免有任何問題。
現還剩下0.1歐日及0.1鎊...看看幾時走得啦，隻歐日本來尋日有機會走人的...可惜~看明天日經跟唔跟升啦~否則還要罰坐~
鎊...看來還要等下...
依我所見，還是區間並未有動力突破，各非美都是，澳元還未有力挑戰0.85水平，所以先行走貨先~見低位還可以買回。
先說一下持單狀況，
有0.5買澳元上既有食唔食既0.8420單、0.1-1.6640gbp，0.1-ej 136.04 全部被套近一星期!
好，再說看圖所見，aud小時圖，自昨天回試0.8170附近後所畫之上升trendline還是向上，略看漲但動力不強。4h所見還受制於ma55之下，未能向上突破還未走出區間上落。日 圖也只是在ma21附近上落未見有力突破。而股市方面企穩，亦有助於非美止跌，昨天的油價大幅上升使美元受壓，aud昨天收"除"頭犀利好信號。可是今天的表現比我預期中差...
歐元，暫時都未能上破昨日高位也是很失望，還是在1.42-1.426中窄幅上落，要上破1.4330才確認上升勢頭，反之再下去1.42的話... 而且到1.4330再回落的話下行風險很大，日圖會形成為頭肩頂之形態。
鎊，連續3天的高點於ma21位置破敗，短期偏弱， 日圖亦似是頭肩頂，要上破1.6640才可以蠹升~否則應該於1.66附近試沽
本星期的操作出現老毛病，掃中止蝕不在講，掃完仲要上返黎，之後買了有賺到前過又唔走，而家還在被套!!!再係咁落去神仙都難救!所以我要好好地改善我既交易方式了。特別係入場後做錯方向，應該快快狠心把單清走不作婉惜，否則被套後再中止蝕損失金錢和時間更令信心及士氣低落。
現先看看us index，月線圖，高位近120下來，反彈既高點一次比一次低，週圖，疑似雙頂。
日圖， 近期低位於77.49，現時正處於7月中之下降軌以及8月非農後的上升線既3角區間中，有待爆邊。
再說一下澳元，月線圖所見，自去年歷史高位0.9838-0.6跌浪回調61.8於0.8360，相信此位還要掙扎一段時間，長線澳元還傾卡看漲。基本面方面，如經濟真的復甦的話，商品及通脹齊來，大家又要去追逐高風險資來投資了~週圖，去年十月及十二月雙底後大幅反彈，現於ma5有支持但穿了連續4週的上升trendline，觀望一下是否要回氣才肯再上。日圖，昨晚於ma21有支持，但出現了向淡吞噬利淡信號，承接道指跌市，周一既日經開市下跌居多，澳元恐怕要下測下方之上升trendline現於0.82左右。4h似雙頂M型走勢，如股市沒有重大跌幅，0.82是可以入市既好位。
近日百無聊賴，走去玩下牛證...個人只專睇恆指同建行only(恆指就因為mpf，建行就有買正股)
星期3那天想買隻建行牛但入唔到....65894收回價5.4都幾唔貼價，太高風險打把我承受唔到哈~但係入唔到~0.118正股當日5.94，昨天正股收6.11~佢先0.135~算把啦~唯有等下次機會...(不過內銀股快公佈業績，且建行5.7已見支持，所以先博買建行牛)
星期3結果係臨收市前5分鐘入左3手@0.136咁大把既美林牛玩下，博佢星期四升返跌既都好:p 開市升3百3左右就排定隊等加注，升過4百幾且到我目標位(果3手升21%既目標位)冇放，接埋加注既上車，到收市前，一次過@0.164放哂廢事又等多日~當賺個經驗。
星期五喇，開市再升，已經21000了殺了人地d熊仔，我又邊有咁把炮買埋落吖，點知轉眼間恆指反過來跌了2百點，落街等位飲茶期間已經排定隊買多次呢隻牛，博恆指平收，到下午兩半開市真係比我入到，佢最低0.149我0.151買左...拿拿聲就排定0.164走人，但到收市前20分鐘都未到價，我驚要過星期一，就拿拿聲改低去0.159走人至上，等左10分鐘左右成功出貨我都唔理佢喇，到收市竟見到佢收0.164哈哈~不過算啦我呢d散戶又唔會買得多...10手都係差500蚊者。
但我發覺一樣野，呢隻美林都幾.....唔知佢交投唔活躍定點，佢d差價成日都差兩至3格~我之前買德銀果d牛証都唔係咁既!!!所以有時間都搵過第2個發行商既牛証算了~
我只不過係玩玩過日晨，外匯短炒未成功搵住牛証來試下，正股我會等939 5.5-5.7買入!不過暫時都應該冇呢個機會了...
