好耐冇寫過匯市!手痕又來寫下

AUD 1H、4H同DAILY都在箱型盤整中，會不會像之前果輪3頂後突破上攻呢? 而家呢D位追又唔係，一係等佢回試8558附近揸，一係就等佢上破追進看0.89!因為在WEEKLY看佢一直處於3月以來的上升TRENDLINE，另一方面，月圖收K佢都係確認了8月時的"除"頭，9月應該收陽吧!後市向好!

鎊，日圖跌破頭肩頂NECKLINE後到1.5764才止跌，如明天都沒有再穿這兩天低位看來可以反轉!但暫時未明，最好不要搞佢!本周多人講野風險較多，免死得不明不白!

 歐，1H、4H及日圖均於DOWN TRENDLINE之下，久久未能上破，反彈一浪低於一浪!後市有擔憂，照圖來看應該要高沽，穿TRENDLINE 30點止蝕!

呢篇野咁就打左我20分鐘!

隻國藥尋日朝早遲左起身已經拿拿聲19.1放左，今天都係19.98差320走左就算唔理喇，但中冶就仲未放，中左真係乃野!看來後面的新股都幾難叫人去買咯!!!

更大問題的是我既鎊單，昨晚有差十點子就可以走人，人算不如天算，央行又亂up野搞到佢跌左2百幾點...看看今晚收咩位喇~1.6恐怕.....哎

又再手痕打下新股,呢個月新股多到抽唔哂，少不免有些是混水摸魚!

今早看報紙說道國藥20手中1，中冶15中1，暗盤升25%及4% ，這些熱爆新股也只是得咁少，後續既都很難有好反應!我都起碼有1手睇睇上市表現如何啦~近期的新股定價實在太貴了!我都係抱住抽獎心態去抽哈~即日放賣!賺蝕即走!

 再來黎緊有3隻我都會抽，恆盛,中國x鐵都會大注些去抽，水泥就唔好預我喇哈~

剛才下午茶忽然想到一個問題，於是就問人"當你有一萬蚊閒錢拎去投資，你想每個月可以有賺幾多?" 答我既人背景住全部都係完全唔識投資，年紀大部份同我差唔多(20-30)，全部我都有提議佢地去看下書多作認識及投資，但都推塘一番唔肯去學去睇，原因就一係月月清袋、一係就負數，一係就只識儲錢做定期!分別問左十個親朋好友~有7個都直接答我一萬、一個八千士以及一個十五巴仙同埋阿麻既答覆。

直接答覆既我不作多講,15%那個係回我:高風險定低風險，有無內幕消息的? 

好喇返到屋企就問下在家既麻麻啦，佢(87才)~[以下對答一字不漏，佢語氣好認真的]

於是我就坐低問佢呢條問題啦~佢反問我做d乜先?我: 當係股票啦!

佢:股票有好多種喎又大陸既又外國，大陸唔買啦，外國好d低呢d野有上有落呀，時勢好就話者而家時勢唔好蝕就有你份啦，我唔會拎d錢去博嫁!問埋我d咁無聊既問題以為係乜事添!

原來最清醒既人竟在我身邊!!!! :o

尋晚隻鎊...曾有70點子以上既利潤，又係唔食冇得食反而被套，係有點擔心頭肩頂...而家一路要去到1.6320先有支持，再破就要1.6110先有支持了,好在單量不大，但卻輸掉信心啦!絕對有打擊到士氣，看如果選擇了歐有多好!有進場的話還是有賺不用被套過百點!

今天下午要出去買野休戰，晚上美市再回來看過!

下星期一至三日本放假~

今個星期的3隻新股也作出了定價~分別中冶以中間價、利郎近上限及國藥以上限定價~呢3隻我都有抽，當係買50蚊既六合彩，反正d錢放o係度又冇息收咯~中冶以中間定價我有點擔心佢托唔起...但我一向新股都係10點鐘就走人(即一開市)，本人預計3隻升幅...中冶1-2成，利郎1成及國藥5成，又睇下估唔估得中咯~哈哈~呢排個市好旺但我怕牛一快行完，我隻建行係打算6.7到價就走人~

之後成個星期有差不多有成6隻新股同時招股，有樣野唔講唔覺,果隻1668華南城原來唔係國企股只不過是香港股小心為上!今天截既運動股就唔抽喇，怕係361翻版~之後既新股都冇邊隻睇好,特別係果隻水泥股,又貴我洗乜去抽佢,買而家果d仲好啦，這行業又是中央要指導既行業~都係小心為上好!

唔知大家有冇做開一隻貨幣就會當日特別留意佢，就算唔係最強都會選擇黎買賣既毛病呢?

我依然有呢個壞習慣，唔知係咪太懶關係...以今天為例，明知鎊不是最強貨幣卻選擇佢來交易， 好彩既就係公佈數據前有落止賺保護掃走左! 講真,佢於歐鎊中處於劣勢，再加上鎊日...鎊澳等X盤，絕對唔應該拎佢來進行逢低買入既好選擇! 切記以後唔好再犯呢D錯誤，否則佢倒跌又快過人轉身也來不及了~

近日事務繁忙，很久冇寫網誌了，不好意思。

說回匯市，昨天歐元已經上破創年內新高，且大漲小回，我分別掛了1.4690及1.4660也未能買回，現價又不想追買，老實說到這些位我都只是夠膽做短炒，20-40點我已經收貨，還最好是日日清倉!!!但歐日也回到134水平了，如不在跌的話，歐才還有機會向上。美日還未向上突破，且股市也創新高，明天又星期5，恐防肥美好倉獲利離場走人!做成較大回調，一夾的話又造成心理負擔!所以萬事要小心，千萬不可以擔心~

現時有持單，b GBP@1.6480短炒1.651就走!今天有英國零售數據